रस्त्यावर रात्रभर एक कार उभी होती ; पोलिसांनी कारचा दरवाजा उघडताच कारमध्ये दिसले असे काही कि.. पोलिसांनाही बसला धक्का

मिळालेल्या माहितीनुसार, ही घटना तामिळनाडूतील पुदुक्कोट्टई जिल्ह्यातील आहे. मृतांमध्ये तीन महिलांचाही समावेश आहे. हे सर्व एकाच कुटुंबातील होते. बुधवारी(दि.२६) सकाळी त्रिची-कराईकुडी राष्ट्रीय महामार्गावर नमनसमुद्रनजवळ कार पार्क केलेली स्थानिकांना आढळली. सर्वांनी विष प्राशन केल्याचे पोलिसांच्या प्राथमिक तपासात समोर आले आहे. हे कुटुंब तामिळनाडूतील सेलमचे रहिवासी होते. घरापासून सुमारे २०० किमी अंतरावर सर्वांचे मृतदेह सापडल्याने खळबळ उडाली आहे.

माहितीनुसार, मेटल व्यापारी मणिकंदन, त्यांची पत्नी नित्या, आई सरोजा आणि दोन मुलांचा मृतांमध्ये समावेश आहे. मणिकंदन यांच्यावर मोठे कर्ज असल्याची प्राथमिक माहिती आहे. पोलिसांना कारमध्ये एक पत्रही सापडले. मात्र, या घटनेमागचे नेमके कारण अद्याप समोर आलेले नाही. पोलीस या संपूर्ण प्रकरणाचा कसून तपास करत आहेत.