चेष्टा मस्करी एकाच्या जीवावर बेतली ! २२ वर्षीय तरुणावर कोयत्याने वार ; उपचारादरम्यान तरुणाचा मृत्यू

पुणे – चेष्टा मस्करीतून झालेल्या वादात एका तरुणावर रविवारी (दि.८) कोयत्याने वार करण्यात आले होते. गंभीर जखमी झाल्याने संबंधीत तरुणावर रुग्णालयात उपचार सुरू होते. मात्र सोमवारी त्याचा उपचारादरम्यान मृत्यू झाला.

जयदीप ज्ञानेश्वर भोंडेकर (२२) असे मृत्यू झालेल्या तरुणाचे नाव आहे. याप्रकरणी, उत्तमनगर पोलिसांनी अमित सुदाम गुजर (वय. २१) याला अटक केली आहे. त्याच्या विरुद्ध सुरुवातीला खूनाच्या प्रयत्नाचा गुन्हा दाखल करण्यात आला होता. मात्र आता त्यामध्ये खूनाचे कलमवाढ करण्यात आले आहे.