बसमध्ये तरूणीचा विनयभंग, तिने त्याचा इंगाच उतरवला

केरळ – सार्वजनिक ठिकाणी महिलांच्या सुरक्षिततेचा प्रश्न नेहमीच काळजीचा विषय असतो. कारण अनेकजण गर्दीचा फायदा घेत गैरप्रकार करताना दिसून येतात. पण अनेकजण महिला त्याला सहन करतात, तर काहीजण मात्र साहस दाखवत त्याचा सामना करतात. सध्या असाच एक व्हिडिओ व्हायरल झाला आहे.

केरळमध्ये अशीच एक घटना समोर आली आहे. गर्दीचा फायदा घेत एका तरुणीला चुकीच्या पद्धतीने स्पर्श करणाऱ्या नराधमाला तरुणीने चांगलाच धडा शिकवला. या घटनेचा व्हिडीओ सध्या सोशल मीडियावर व्हायरल होत आहे. ही घटना बसमध्ये घडल्याचे दिसत आहे. या व्हिडीओमध्ये तुम्ही पाहू शकता, एक व्यक्ती बसमध्ये तरुणीच्या बाजूला बसला आहे. यावेळी तो हळू हळू तरुणीला अश्लील स्पर्श करण्याचा प्रयत्न करतोय. तो मुद्दाम तरुणीच्या छातीला आपल्या हाताच्या कोपरानं स्पर्श करण्याचा प्रयत्न करतोय. दरम्यान या तरुणीसोबत असलेली आणखी एक तरुणी हा सर्व प्रकार आपल्या मोबाईलमध्ये कैद करते आणि थोड्याच वेळात सीटवरुन उठत थेट या व्यक्तीच्या कानाखाली लगावते. सुरुवातीला आपण असे काही केले आहे, हे मान्य करण्यास तयार नसतो. पण पोलीस आणि व्हिडिओ याबद्दल माहिती देताच तो माफी मागतो. धक्कादायक बाब म्हणजे हा सगळा प्रकार घडत असताना आजूबाजूचे प्रवासी शांतपणे बसून होते. प्रवाशांनी काय घडत आहे हे पाहिले सुद्धा नाही. रोज महिलांवरील अत्याचाराची, विनयभंगाची अनेक प्रकरणे समोर येत आहेत. प्रशासनाकडून कठोर पावले उचलली जात असतानाही महिलांच्या शोषणाचे प्रकार सातत्याने घडत आहेत.

छेड काढणा-या व्यक्तीवर काय कारवाई झाली याबाबतची माहिती मिळू शकली नाही. मात्र मुलींनी दाखवलेल्या सजगपणामुळे त्या व्यक्तीला चांगलीच शिक्षा मिळाली. देशभरात अजूनही महिलांवरील अत्याचाराच्या घटना कमी होताना दिसत नाही आहेत.