कमाल! नव्या नवरीचा अनोखा डान्स पाहून सासूबाई अवाक्
नवरीच्या हटके डान्सचा व्हिडिओ जोरदार व्हायरल, डान्स नवऱ्यासाठी पण नातलग स्तब्ध
पुणे – सोशल मीडियावर लग्नसमारंभातील असे अनेक व्हिडीओ नेहमी व्हायरल होत असतात. कारण हळद, मेहंदी, संगीत असो, किंवा मुलीला निरोप देतानाचे व्हिडीओ. लग्न म्हणजे प्रत्येकाच्या आयुष्यातील एक खास, महत्त्वाचा असा क्षण असतो. त्यामुळे त्याला आपल्याकडे वेगळे स्थान असते.
वैवाहिक आयुष्याची सुरूवात करताना लग्नाच्या दिवशी अनेक नवरा-नवरी कपल्स डान्स करताना दिसत आहेत. सध्या सोशल मिडीयावर असाच एक व्हिडिओ व्हायरल होत आहे. एका लग्नात नवरीला नाचण्याचा मोह आवरला नाही. यावेळी नवरीने आपल्या लग्नाच्या मंडपातच तुफान डान्स केला आहे. व्हिडिओत तुम्ही पाहू शकता की, नवरी नवरदेवासाठी “खंडोबाला नवस केला लाखात एक पोरगा भेटू दे मला” या मराठी गाण्यावर भन्नाट डान्स करत आहे. यावेळी नवरदेवही उभा आहे आणि नवरदेवाच्या बाजूलाच नवरी डान्स करत आहे. यावेळी नवरीचा डान्स पाहून नवरदेव लाजून भलताच खुश झाला होता. एवढेच नाहीतर नवरीच्या सासूबाईही नवरीचा डान्स पाहून अवाक् झाल्या आहेत. डान्स पाहून सासरचे मंडळींही अवाक् झाले आहेत. हा व्हिडीओ सोशल मीडियावर draxphotographyandfilms या इन्स्टाग्राम अकाऊंटवरुन शेअर करण्यात आला आहे. या व्हिडीओला लाखोंमध्ये व्ह्यूज मिळाले आहेत. तसेच अनेकांनी या व्हिडिओवर वेगवेगळ्या प्रतिक्रिया दिल्या आहेत.
नवी नवरी कशी लाजरी बुजरी असते, सासरी गेल्यावर ती पटकन सहजासहजी कुणामध्ये मिसळत नाही. तिला सासरी रुळायला जरा वेळ लागतो. पण आता ही संकल्पना मागे पडत असून नवी नवरी लग्नाआधीच सासरी रुळताना दिसून येत आहे.
