‘एक तर तू झोप, नाहीतर जावेसोबत जमवून दे’

छत्रपती संभाजीनगर – राज्यातील कायदा सुव्यवस्था ढासळल्याची अनेक उदाहरणे समोर येत आहेत. महिला अत्याचाराने तर कळस गाठला आहे. अशातच छत्रपती संभाजीनगर जिल्ह्यात विवाहितेनेकडे शरीख सुखाची मागणी करत नकार दिल्यानंतर जीवघेणा हल्ला करण्यात आला आहे.

छत्रपती संभाजीनगरमध्ये एका 36 वर्षीय महिलेसोबत झालेल्या निर्घृण हल्ल्याने संपूर्ण परिसर हादरला आहे. शरीरसुखाची मागणी फेटाळल्यानंतर १९ वर्षीय तरुणाने या विवाहितेवर कटरने भयंकर वार केले आहेत. या हल्ल्यात ती गंभीर जखमी झाली असून तिच्यावर २८० टाके घालावे लागले आहेत. आरोपी अभिषेक तात्याराव नवपुते याला पोलीसांनी अटक केली आहे. मिळालेल्या माहितीनुसार, पीडित महिला शेतात काम करत असताना आरोपी अभिषेक नवपुते याने तिला फोन करून तिच्याकडे शरीखसुखाची मागणी केली. तिने नकार दिल्यानंतर जावेसोबत जुळवून देण्याची मागणी केली. त्यामुळे महिलेने फोन कट केला. संध्याकाळी ती शेतातून परत येत असताना आरोपीने पाठीमागून येऊन तिची वेणी ओढली आणि तिला जमिनीवर फेकले. त्यानंतर तिला काही कळायच्या आत त्याने चेहऱ्यावर धारदार कटरने वार केले. महिलेने ओरडण्याचा प्रयत्न केला असता त्याने गळ्यावर वार केला आणि संपूर्ण शरीरावर सपासप वार केले. या हल्ल्यात महिला गंभीर जखमी झाली असून डॉक्टरांनी तिच्या शरीरावर तब्बल २८० टाके घातले आहेत. तिच्या उपचारांसाठी लागणारा दोराच २२,००० रुपयांचा लागला आहे.

या प्रकरणी आरोपी अभिषेक तात्याराव नवपुते याला चिखलठाणा पोलिसांनी अटक केली आहे. नराधम आरोपी अभिषेक नवपुते या घटनेनंतर काही घडलेच नाही अशा अविर्भावात गावभर फिरत होता. पोलिसांनी ताब्यात घेतल्यानंतरही त्याच्या चेहऱ्यावर पश्चात्ताप दिसत नव्हता. पुढील तपास सुरू आहे.