प्रेयसीच्या जाचाला कंटाळून प्रियकराने केला तिचा खून

अ.नगर – पुणे जिल्ह्यातून फिरण्यासाठी गेलेल्या प्रेमीयुगलामध्ये क्षुल्लक कारणास्तव वाद झाला आणि चिडलेल्या प्रियकराने कोयत्याने वार करत प्रेयसीचे शीर धडावेगळे केल्याची धक्कादायक घटना नगर जिल्ह्यात घडली आहे.

सोनाली राजू जाधव असे मृत महिलेचे नाव आहे. सखाराम धोंडिबा वालकोळी असे आरोपीचे नाव आहे. पोलिस हेडकॉन्स्टेबल सुनील निकम यांच्या फिर्यादीवरून राहुरी पोलिस ठाण्यात गुन्हा दाखल करण्यात आला आहे. मिळालेल्या माहितीनुसार, सोनाली आणि सखारामचे अनैतिक संबंध होते. दोघेजण काही काळ पती पत्नी सारखे राहत होते. काही दिवसापूर्वी मयत सोनाली ही तीचा प्रियकर सखाराम याला सोडून तीच्या पतीकडे गेली होती. त्यानंतर तीने पून्हा सखाराम याला फोन करुन सांगीतले कि, मला तूझ्याकडे यायचे आहे, मला पैसे दे, मी ज्याच्या सोबत गेले होते. त्याच्यावर गुन्हा दाखल करणार आहे. तसेच तु मला नाही सांभाळले तर मी तुला सोडणार नाही. तुझ्या विरुध्द गुन्हा दाखल करेल, अशी धमकी देऊ लागली. त्यामुळे सखाराम तीच्या धमकीला वैतागला होता. घटनेच्या दिवशी सोनाली सखारामला भेटण्यासाठी नगरला आली होती. नगर बस स्थानकावर दोघांची भेट झाली. त्यानंतर सखाराम हा सोनाली हिला घेऊन राहुरी तालुक्यातील वांबोरी परिसरात असलेल्या पंचमुखी महादेव मंदीरा शेजारच्या डोंगराजवळ आला. सायंकाळी ७.३० वाजे दरम्यान त्या दोघांनी तेथे बसून गप्पा मारल्या. त्यानंतर दोघांमध्ये वाद झाला. आणि सखाराम याने सोनाली हिला लाकडी दांडा व दगडाने मारहाण केली. त्यानंतर त्याने कोयत्याने सोनालीवर वार करून तीचे शिर धडापासुन वेगळे करून तीची निर्घृणपणे हत्या केली. त्यानंतर आरोपी सखाराम हा स्वतः वांबोरी येथील पोलिस चौकीत हजर झाला आणि गुन्हा केल्याची कबूली दिली. आरोपीचे मृत महिला हिचा पती सात वर्ष जेलमध्ये असताना प्रेम संबंध जुळले व ते पती-पत्नी म्हणून राहू लागले. परंतु पिडीतेचा पती मागील वर्षी जेलमधून बाहेर आल्यानंतर सुमारे तीन महिन्यांपासून ती पतीसोबत शिक्रापूर येथे राहावयास गेली व आरोपीस पैशाची मागणी करून वारंवार ब्लॅकमेल करू लागली. या कारणाने आरोपीने पैसे देण्याच्या बहाण्याने तिला वांबोरी येथे आणून हत्या केल्याचे सखारामने सांगितले. प्रियकराने स्वतःहून पोलिसांसमोर जाऊन खुनाची माहिती दिली. पोलिस पुढील तपास करत आहेत.

पोलिस पथकाने तात्काळ घटनास्थळी धाव घेतली. आणि मयत सोनाली राजू जाधव हिचे धड व धडापासुन वेगळे झालेले शिर ताब्यात घेतले. त्यानंतर मृतदेह अहिल्यानगर येथील जिल्हा न्यायालयात उत्तरीय तपासणीसाठी पाठविण्यात आला आहे. या घटनेमुळे वांबोरी परिसरात खळबळ उडाली आहे.