कर्ज फेडण्यासाठी होती ४० लाखांची गरज ; तरुणाने थेट ॲक्सिस बँकेत घातला दरोडा, घटना सीसीटीव्हीमध्ये कैद

रोख रक्कम दिली नाही तर जीवे मारेन, अशी धमकी व्यक्तीने मॅनेजरला दिली. मॅनेजरने सांगितलं की, कॅशियर रोहितला रोख रक्कम आणण्यास सांगितलं. रोख रक्कम आणली नाही तर आरोपी आत्महत्या करेल किंवा मॅनेजरची हत्या करेल, असंही आरोपीने मॅनेजरला सांगितलं. यानंतर त्याने मॅनेजरला कर्ज फेडण्यासाठी पैशांची गरज असल्याचं सांगितलं. कॅशियर रोहित यांच्याकडून रोख रक्कम घेऊन आरोपी बाईकवरून पळून गेला. त्याचवेळी पोलीस अधीक्षक राम सेवक गौतम यांनी सांगितलं की, त्यांनी सीसीटीव्ही फुटेज गोळा केलं असून त्याचा तपास सुरू आहे. तसेच ॲक्सिस बँकेचे मॅनेजर नवीन जैन आणि बँक कर्मचाऱ्यांची चौकशी करण्यात येत आहे. पुढील तपास सुरू आहे.