धक्कादायक ! सावत्र वडिलांची बहिणीवर वाईट नजर असल्याचा संशयातून मुलाने घेतला असा निर्णय कि….

मिळालेल्या माहितीनुसार, कल्याण टिटवाळा परिसरातील बल्याणी गावात ही हत्या घडली. हार्डवेअरच्या दुकानात काम करणारे कदीर सिद्दीकी यांची त्यांच्या सावत्र मुलानेच निर्घृणपणे हत्या केली. कदीर सिद्दीकी, हे आपल्या कुटुंबासोबत टिटवाळा परिसरात राहत होतो. त्यांनी काही वर्षांपूर्वी त्यांच्यापेक्षा वयाने मोठी असलेल्या महिलेशी लग्न केले होते. त्या महिलेला पहिल्या पतीपासून कबीर सिद्दीकी हा एक मुलगा आणि मुलगी अशी दोन अपत्यं होती.

मात्र रविवारी रात्री कदीर सिद्दीकी यांची हत्या करण्यात आली, ज्यामुळे परिसरात भीतीचं वातावरण पसरलं. या प्रकरणाचा तपास सुरू करून टिटवाळा पोलिसांनी अवघ्या १२ तासांत गुन्ह्याचा उलगडा केला. कदीर सिद्दीकी यांचा सावत्र मुलगा, कबीर सिद्दीकी, आणि त्याचा मित्र अल्ताफ शेख यांना पोलिसांनी अटक केली आहे. आपल्या सावत्र वडीलांची आपल्या बहिणीवर वाईट नजर आहे, असा संशय कबीर सिद्दीकी याला होता. त्या संशयातूनच त्याने आपल्या मित्राच्या मदतीने सावत्र वडिलांची धारधार शस्त्राने हत्या केली. टिटवाळा पोलिसांनी आरोपींची कबुली घेतली असून, पुढील तपास सुरू आहे.