क्रिमिलन बॅकग्राउंड असलेल्या उमेदवारांचे धाबे दणाणले, निवडणूक आयोगाने घेतला मोठा निर्णय

नवी दिल्ली : केंद्रीय निवडणूक आयोगाने लोकसभा निवडणूक 2024 चा कार्यक्रम जाहीर केला आहे. यावेळच्या निवडणुकीत आधुनिक तंत्रज्ञानाचा वापर करण्यात येत आहे. निवडणुकीच्या काळात उमेदवारांपासून राजकीय पक्ष आणि मतदारांनाही आयोगाने काही सूचना दिल्या आहेत. यामध्ये गुन्हेगारी पार्श्वभूमी असलेल्या उमेदवारांबद्दल आयागाने कठोर पाऊल उचललं आहे. आता उमेदवाराला आपल्यावरील गुन्ह्याची माहिती वर्तमानपत्रात प्रसिद्ध करावी लागणार आहे. तर राजकीय पक्षांनाही अशा उमेदवारांना तिकीट का दिलं? हे जाहीर करावं लागणार आहे.

केंद्रीय निवडणूक आयुक्त राजीव आयुक्त यांनी दिलेली माहितीनुसार, 97 कोटी ही देशात मतदार आहे. तर 10.5 लाख मतदान केंद्र असणार आहेत. ही निवडणूक म्हणजे आमच्यासाठी ऐतिहासिक संधी आहे. देशातील निवडणूक म्हणजे 1 सण असतो, जगाचं लक्ष या निवडणुकीकडे आहे. 17 व्या लोकसभेची मुदत संपत आहे. प्रत्येक मतदान म्हणजे आमची चाचणी असते. आम्ही जिल्हाधिकारी, पोलीस अधिकारी राजकिय पक्ष यांच्याशी संवाद साधला आहे. ही निवडणूक निःपक्षपणे होईल. देशातील 800 निवडणूक अधिकाऱ्यांसोबत मी व्यतिगत चर्चा केली आहे.