माझे लग्नाआधी अभिषेकबरोबर अफेअर होते पण….

आग्रा – उत्तर प्रदेशातील आग्रा येथील आयटी कंपनीच्या टीएसमध्ये भरती व्यवस्थापक असलेल्या मानव शर्मा यांनी २४ फेब्रुवारीला पत्नीच्या छळाला कंटाळून आत्महत्या केली होती. आता या प्रकरणात मानव शर्माची पत्नी निकीताचा व्हिडीओ समोर आला आहे.

या घटनेबाबत मानव शर्माच्या बहिणीने धक्कादायक खुलासा केला आहे. तिने आरोप केला की, मानव आणि निकिता घटस्फोटासाठी अर्ज देणार होते. निकिताच्या अफेअरची माहिती मानवला मिळाल्यानंतर त्यांचा संसार मोडला, असा दावा केला आहे. मानव मला मारहाण करायचा हा दावा निकिताने केला, परंतु माझा भाऊ कुणाला ईजा पोहचवत नव्हता. त्याने स्वत:चं आयुष्य संपवण्याचा निर्णय घेतला. जो स्वत: हा निर्णय घेऊ शकतो, तो दुसऱ्याला कसं मारू शकतो, असा दावा केला. त्यातच निकिताचा एक व्हिडिओ व्हायरल झाला आहे. हा व्हिडिओ मानव शर्माच्या आत्महत्येपूर्वीचा आहे. यामध्ये निकिता तिच्या लग्नापूर्वीच्या नात्याबद्दल खुलासा करताना दिसत आहे. ती मानवाची माफीही मागत आहे. आमचे लग्न तुटू नये म्हणून मी खूप खोटे बोलले. माणसाच्या चुकीसाठी जी काही शिक्षा होईल ती मला मान्य असेल. मला काही झाले त्याची कोणतीही जबाबदारी नसेल. मला माफ कर, मानव माझी चूक होती अशी प्रतिक्रिया देताना दिसत आहे. निकिता पुढे म्हणाली की, मला माहित आहे की मी खूप खोटे बोलले आहे. कारण आमचं लग्न तुटू शकतं. मी त्याच्यावर खूप प्रेम करते. माणसाच्या चुकीसाठी जी काही शिक्षा होईल ती मला मान्य असेल. मानवच्या कुटुंबातील प्रत्येकजण खूप छान होता. मला काही झाले तर कोणीही जबाबदार नाही, असे ती म्हणाली आहे. पण याच निकिताने अगोदर तो मला मारायचा, माझे आई-वडील मला एकमेकांना समजून घ्यायला सांगायचे. मानवने तीनदा गळफास घेण्याचा प्रयत्न केला होता. एकदा मी स्वतः फास कापून त्याला वाचवले होते, असा दावा केला आहे.

मानवने जानेवारी २०२५ मध्येही सुसाईड करण्याचा प्रयत्न केला होता. पुरुषांच्या बाजूने कायदे नाहीत, कोणीतरी पुरुषांबद्दल बोला, ते खूप एकाकी होतात. पण कृपया पुरूषांबद्दल विचार करा. मी गेल्यावर सगळं ठीक होईल, असे म्हणत आत्महत्या केली आहे.