पुण्यातील फायनान्स मॅनेजर हत्या प्रकरण ; मोबाईलच्या हॉटस्पॉटसाठी केला खून, ३ अल्पवयीन आरोपी जेरबंद
पुणे – एका फायनान्स कंपनीत मॅनेजर असलेल्या वासुदेव रामचंद्र कुलकर्णी (वय ४७, रा. उत्कर्षनगर, हडपसर) यांची अज्ञात व्यक्तीनी हत्या केल्याची घटना घडली होती. या प्रकरणात आता मोठी अपडेट समोर आली आहे.
क्षुल्लक कारणासाठी वासुदेव यांची हत्या करण्यात आल्याचे समोर आले आहे. धक्कादायक म्हणजे, तीन आरोपी असून ते अल्पवयीन आहेत. वासुदेव कुलकर्णी हे पुण्यात फायनान्स कंपनीत मॅनेजर म्हणून काम करत होते.
रविवारी रात्री (दि.१) वासुदेव कुलकर्णी हे शतपावली करत असताना त्यांच्या मोबाईलचे हॉटस्पॉट या अल्पवयीन मुलांनी मागितले. मात्र, वासुदेव यांनी हॉटस्पॉट न दिल्याने त्यांनी रागात त्यांच्यावर धारदार शस्त्राने वार केले. यातच त्यांचा मृत्यू झाला. याप्रकरणी पोलिसांनी तीन अल्पवयीन मुलांना ताब्यात घेतले आहे तर एकाला अटक ही केली आहे.
