राज ठाकरेंना बसणार मोठा धक्का ! पक्षाची मान्यता रद्द होणार? मनसेच्या बैठकीत नेमकं काय घडलं?

महाराष्ट्र विधानसभा निवडणुकीत एकही जागा न जिंकलेल्या महाराष्ट्र नवनिर्माण सेनेला मोठा झटका बसू शकतो. समोर आलेल्या माहितीनुसार, निवडणूक आयोग राज ठाकरेंच्या मनसे पक्षाची मान्यता रद्द करू शकते.

राज ठाकरे यांनी आज त्यांच्या घरी पक्षश्रेष्ठींची आत्मपरीक्षण बैठक बोलावली आहे. दादरमध्ये आज सकाळी 11 वाजता बैठक घेण्यात आली असून यामध्ये मनसैनिकांनी आपली नाराजी व्यक्त केल्याचं दिसून आलं आहे.निवडणुकीतील खराब कामगिरी आणि पुढील रणनीती यावर यावेळी चर्चा झाली. राज ठाकरेंनी बोलावलेल्या बैठकीत बाळा नांदगावकर, नितीन सरदेसाई, अविनाश अभ्यंकर यांच्यासह विविध नेते उपस्थित होते. राज ठाकरेंनी उमेदवारांकडून ईव्हीएमबाबात मते जाणून घेतली. यासोबतच भाजपसोबत जाणं ही चूक झाली, अशी स्पष्ट नाराजी उमेदवारांकडून राज ठाकरेंसमोर व्यक्त करण्यात आली.

राज्यातील विधानसभा निवडणुकीत कोणत्याही प्रादेशिक पक्षाला किमान एक जागा किंवा ८ टक्के मते मिळणे आवश्यक असते. असे करण्यात अयशस्वी झाल्यास ओळख होऊ शकते.निवडणुकीच्या निकालांवर नजर टाकली तर मनसेने १२५ जागांवर आपले उमेदवार उभे केले होते, मात्र त्यांना एकही जागा जिंकता आली नाही. एवढेच नाही तर राज ठाकरे यांचा मुलगा अमित ठाकरे यांचाही निवडणुकीत पराभव झाला.निवडणूक आयोगाच्या आकडेवारीनुसार राज ठाकरे यांच्या पक्षाला केवळ १.५५ टक्के मते मिळाली आहेत. अशा स्थितीत निवडणूक आयोगाने पक्षाची मान्यता रद्द केल्यास राज ठाकरेंसाठी हा मोठा धक्का असेल