बंगळुरूमध्ये श्रद्धा वालकर हत्याकांडाची पुनरावृत्ती; फ्रीजमध्ये सर्वात खालच्या कप्प्यात होतं शिर, पोलिसांनाही फुटला घाम

तीन मजली इमारतीच्या पहिल्या मजल्यावर २९ वर्षीय महालक्ष्मी राहत होती. पोलिसांच्या माहितीप्रमाणे ती झारखंडमधील असून, तिचा विवाह हेमंत दास नावाच्या व्यक्तीसोबत झाला होता. त्यांना एक मुलगी आहे. दोघांचे पटत नसल्याने ती वेगळी राहत होती. हेमंत दास मुलीला घेऊन तिला भेटायला येत असे.महालक्ष्मीच्या घरातून दोन दिवसांपासून सडका वास यायला लागला होता. पण, शनिवारी वास सहन होईना झाल्यानंतर शेजाऱ्यांनी घरमालकाला याबद्दल सांगितले. घरमालक जयराम हे पहिल्या मजल्यावर गेले. महालक्ष्मीच्या घराचा दरवाजा बाहेरून बंद होता. त्यामुळे त्यांनी तो तोडला. घर उघडताच जास्त वास यायला लागला. फरशी चिकट झालेली होती. ते फ्रीजजवळ गेले आणि दरवाजा उघडला. थिजलेले रक्त आणि मानवी मृतदेहाचे कापलले अवयव बघून ते हादरलेच. त्यांनी तातडीने याची माहिती व्यापिकावल पोलीस ठाण्यात दिली.

पोलिसांनी लगेच घटनास्थळी धाव घेतली. फॉरेन्सिक सायन्सच्या पथकाला बोलवण्यात आले. पोलिसांनी फ्रीज उघडला तेव्हा सर्वात वरच्या कप्प्यात कापलेले पाय ठेवलेले आढळून आले. मधल्या कप्प्यांमध्ये शरीराचे इतर अवयव ठेवलेले होते, तर सर्वात खालच्या कप्प्यात महिलेचे मुंडके ठेवलेले आढळून आले.