मी गर्भवती असताना जबरदस्तीने गोळ्या देऊन गर्भपात केला
अभिनेता असलेल्या राजकीय नेत्यावर पत्नीचे गंभीर आरोप, या अभिनेत्रींसोबत अफेअर असल्याचे सांगत आत्महदहनाचा इशारा
दिल्ली – भोजपुरी स्टार पवन सिंग आणि त्याची पत्नी ज्योती सिंग यांच्यातील कौटुंबिक कलह सार्वजनिक झाला आहे आणि त्यांच्यातील वाद आणखीनच वाढत चालला आहे. अलिकडेच ज्योती पवन सिंगला भेटण्यासाठी लखनऊला गेली होती, परंतु तो तिला न भेटल्यामुळे तिने अभिनेत्यावर धक्कादायक आरोप केले आहेत. त्यामुळे खळबळ उडाली आहे.
ज्योती सिंगने तिचा पती पवन सिंगवर गर्भपात करण्यास भाग पाडल्याचा आरोप केला आहे. ज्योतीने पत्रकार परिषदेत हे आरोप केले आहेत. ज्योती म्हणाली की, पवन सिंग दावा करतो की त्याला मुलाची इच्छा आहे. पण मुलाची इच्छा असलेला माणूस तिला पिल्स घेण्यास भाग पाडणार नाही. ज्योतीच्या मते, ती गर्भवती असताना तिला प्रत्येक वेळी पिल्स दिले जात असे आणि जेव्हा ती बोलली तेव्हा तिच्यावर अत्याचार केले गेले. ज्योतीने तिचा पती पवन सिंगच्या अक्षरा सिंगशी असलेल्या संबंधांबद्दलही चर्चा केली. पवन सिंगच्या दुसऱ्या महिलेशी असलेल्या संबंधांबद्दल तिला कधी कळले का असे विचारले असता, ज्योती म्हणाली की तिच्या लग्नाच्या वेळी तिच्या वडिलांनी तिला फक्त एकच गोष्ट सांगितली: “तू एका स्टारशी लग्न करत आहेस, सामान्य माणसाशी नाही. म्हणून, तुला कुठेतरी तडजोड करावी लागेल.’ तसेच ज्योती सिंगने तिच्या इंस्टाग्राम अकाउंटवरून एक पोस्ट शेअर केली आहे. यामध्ये तिने दावा केला आहे की पवन सिंग बऱ्याच काळापासून तिच्या संपर्कात नाही. अभिनेता त्याची पत्नी ज्योतीचा फोन उचलत नाही किंवा तिच्या मेसेजेसना उत्तर देत नाही. तिने अनेक वेळा त्याला भेटण्याचा प्रयत्न केला आहे. ज्योतीचे पालकही पवन सिंगला भेटायला गेले होते, पण त्यांना कोणताही सकारात्मक प्रतिसाद मिळाला नाही. ज्योती सिंग म्हणते की ती इतकी अस्वस्थ आहे की तिला आत्मदहनाचा विचार येतो, असे सांगितल्यामुळे त्यावेळी मोठी खळबळ उडाली होती.
या प्रकरणात, पवन सिंहचे वकील हरिवंश सिंह यांनी सांगितले आहे की, हे प्रकरण अद्याप न्यायालयात प्रलंबित आहे. ज्योती सिंह ही अभिनेता पवन सिंहची दुसरी पत्नी आहे. दोघांचेही २०१८ मध्ये लग्न झाले होते. ज्योतीने पोटगी म्हणून दरमहा ५ लाख मागितले आहेत.
