सोशल मीडिया विश्वाला मोठा धक्का! प्रसिद्ध रील स्टार रोहिणी पारध्येची हॉटेलमध्ये गळफास लावून आत्महत्या

सोशल मीडियावर आपल्या रील्स आणि व्हिडिओंमुळे अल्पावधीतच लोकप्रिय झालेली रील्स स्टार रोहिणी पारध्ये हिने एका हॉटेलमधील खोलीत आत्महत्या केली आहे. तिने गळफास लावून आपले जीवन संपवले. हॉटेल प्रशासनाच्या हे लक्षात आल्यानंतर त्यांनी तातडीने पोलिसांना या घटनेची माहिती दिली. पोलिसांनी घटनास्थळी धाव घेत मृतदेह ताब्यात घेतला आणि विच्छेदनासाठी पाठवला.

आत्महत्येचे कारण अस्पष्ट; पोलिसांकडून तपास सुरू
रोहिणीने एवढे टोकाचे पाऊल नेमके कोणत्या कारणास्तव उचलले, याचे अचूक कारण अद्याप समोर आलेले नाही. प्राथमिक माहितीनुसार, तिच्या आत्महत्येमागे कौटुंबिक वाद, मानसिक नैराश्य किंवा वैयक्तिक कारणांची शक्यता वर्तवली जात आहे. घटनास्थळावरून पोलिसांना कोणती सुसाईड नोट मिळाली आहे का, याचा शोध पोलीस घेत आहेत.

चाहत्यांना मोठा धक्का
रोहिणी पारध्ये सोशल मीडियावर प्रचंड सक्रिय असायची. तिचे हजारो फॉलोअर्स होते आणि तिच्या प्रत्येक रील्सला नेटकरऱ्यांची मोठी पसंती मिळायची. नेहमी हसमुख चेहऱ्याने व्हिडिओ बनवणाऱ्या रोहिणीने अचानक असे पाऊल उचलल्याने तिच्या चाहत्यांना आणि सोशल मीडिया विश्वाला मोठा धक्का बसला आहे. तिच्या सोशल मीडिया अकाउंट्सवर चाहत्यांकडून हळहळ व्यक्त केली जात आहे.

मोबाईल आणि कॉल रेकॉर्ड्सची चौकशी होणार
या प्रकरणाचा सखोल तपास करण्यासाठी पोलिसांनी रोहिणीचा मोबाईल फोन ताब्यात घेतला आहे. तिच्या मृत्यूपूर्वी तिचे कोणाकोणाशी बोलणे झाले होते, हे शोधण्यासाठी तिचे कॉल डिटेल्स आणि सोशल मीडिया चॅट्स तपासले जात आहेत. तसेच हॉटेलमधील कर्मचाऱ्यांचे आणि तिच्या नातेवाईकांचे जबाब नोंदवण्याचे काम पोलिसांनी सुरू केले आहे.