उरुळी कांचन येथील तरुणाचे लग्नासाठी अपहरण; लोणीकंद पोलिसांची कौतुकास्पद कामगिरी, ४ तासांत आरोपींना बेड्या
जबरदस्तीने विवाह करण्याच्या इराद्याने एका २९ वर्षीय तरुणाचे फिल्मी स्टाईलने अपहरण करून त्याला बेदम मारहाण केल्याची खळबळजनक घटना उरुळी कांचन जवळील आष्टापूर परिसरात घडली आहे. मात्र, लोणीकंद पोलिसांनी अत्यंत तत्परता दाखवत अवघ्या चार तासांच्या आत तपासाची चक्रे फिरवली आणि अपहरण झालेल्या तरुणाची सुखरूप सुटका केली. या धडक कारवाईत पोलिसांनी एका महिलेसह सात जणांना अटक केली असून, एका विधी संघर्षित बालकाला देखील ताब्यात घेतले आहे. निलेश लक्ष्मण बोद्रे (वय २९, रा. शिंदेवाडी, ता. हवेली, जि. पुणे) असे सुटका करण्यात आलेल्या तरुणाचे नाव आहे.
या थरारक घटनेची पार्श्वभूमी अशी की, २७ मे २०२६ रोजी रात्री साडेनऊच्या सुमारास पुणे शहर नियंत्रण कक्षाला (कंट्रोल रूम) एक फोन आला. आष्टापूर येथील एच.पी. पेट्रोल पंपाजवळ उभ्या असलेल्या पांढऱ्या रंगाच्या इर्टिगा कारमधून काही जणांनी एका तरुणाचे जबरदस्तीने अपहरण केल्याची माहिती अजय लक्ष्मण बोद्रे यांनी पोलिसांना दिली. घटनेचे गांभीर्य ओळखून लोणीकंद पोलीस ठाण्याच्या वरिष्ठ पोलीस निरीक्षक सुनीता रोकडे यांनी तात्काळ तपास पथकाला घटनास्थळी रवाना केले. पोलिसांनी तिथे जाऊन खातरजमा केली असता, निलेश बोद्रे यांना मारहाण करून जीवे मारण्याच्या उद्देशाने अज्ञात लोकांनी गाडीत डांबून पळवून नेल्याचे समोर आले.
यानंतर पोलिसांनी तांत्रिक विश्लेषण, गुप्त बातमीदार आणि परिसरातील सीसीटीव्ही (CCTV) फुटेजच्या मदतीने आरोपींचा माग काढण्यास सुरुवात केली. हा तपास करत असताना पुणे पोलिसांनी बीड, नांदेड आणि परभणी येथील स्थानिक गुन्हे शाखेच्या अधिकाऱ्यांशी संपर्क साधून त्यांची मदत घेतली. अत्यंत चपळाईने आणि कौशल्याने तपास करत पोलिसांनी थेट माजलगाव गाठले आणि तिथून सातही आरोपींना ताब्यात घेऊन निलेश बोद्रे यांची सुखरूप सुटका केली.
पोलिसांनी जेव्हा पकडलेल्या आरोपींची चौकशी केली, तेव्हा या अपहरणामागचे धक्कादायक कारण समोर आले. सोनाली बालाजी निर्वाळ नावाच्या महिलेला निलेश बोद्रे यांच्याशी बळजबरीने लग्न करायचे होते. याच हेतूने तिने इतर साथीदारांशी संगनमत करून निलेश यांच्या अपहरणाचा कट रचला आणि त्यांना मारहाण करत गाडीत टाकून पळवून नेले. याप्रकरणी लोणीकंद पोलीस ठाण्यात भारतीय न्याय संहिता २०२३ च्या कलम १४०(२) आणि इतर कलमांनुसार गुन्हा क्रमांक २०५/२०२६ अन्वये गुन्हा दाखल करण्यात आला असून, सर्व
