‘या’ अभिनेत्रीच्या गाडीचा भीषण अपघात, दोन मजुरांना उडवले

मुंबई – अभिनेत्री उर्मिला कोठारेंच्या कारचा भीषण अपघात झाला असल्याची माहिती समोर आली आहे. शूटिंग संपवून घरी परत जात असताना उर्मिलाच्या कारचा अपघात झाला. उर्मिलाच्या कारने दोन मजुरांना उडवले असून एका मजुराचा मृत्यू झाला आहे.

मुंबईतील कांदिवली परिसरातील पोईसर मेट्रो स्टेशनजवळ ही घटना घडली. उर्मिला सकाळी कामावरून घरी परत असताना हा अपघात झाला. मुंबईतील कांदिवली परिसरातील पोईसर मेट्रो स्टेशनजवळ ही घटना घडली. या घटनेत तिच्या कारने दोन मजुरांना धडक दिली असून यात एकाचा मृत्यू झालाय. तर अभिनेत्री उर्मिला कोठारे देखील गंभीर जखमी झाली आहे. उर्मिलाच्या कारने उडवलेले दोन्ही मजूर हे मेट्रोमध्ये काम करणारे होते. या अपघातात एका मजूराचा मृत्यू झाला असून एकजण गंभीर जखमी आहे. सध्या पोलिस या घटनेचा तपास करत असून, मुंबईतील समतानगर पोलिसांनी कारचालकाविरुद्ध गुन्हा दाखल करून पुढील तपास सुरू केला आहे. कारच्या एअरबॅग उघडल्याने उर्मिला कानेटकरचा जीव वाचला आहे. पण अपघाताच्या तीव्रतेमुळे वाहनाचे मात्र मोठे नुकसान झाले आहे.

अभिनेत्री उर्मिला कोठारे – कानेटकर यांच्याबद्दल बोलायचे झाल्यास ती प्रसिद्ध दिग्दर्शक आणि अभिनेते महेश कोठारे यांची सून आहेत. तर आदिनाथ कोठारे यांच्या पत्नी आहे. त्यांनी ‘दुनियादारी’, ‘शुभमंगल सावधान’, ‘ती सध्या काय करते’ या चित्रपटांमध्ये काम केले आहे. उर्मिला नुकतीच स्टार प्रवाह वाहिनीवरील ‘तुझेच मी गीत गात आहे’ या मालिकेत झळकली होती.