ब्रेकिंग! महाराष्ट्र विधान परिषदेच्या निवडणुका जाहीर

मुंबई – विधान परिषदेच्या रिक्त जागांसाठी निवडणूक जाहीर करण्यात आली आहे. विधानसभा निकालानंतर परिषदेच्या ५ जागा रिक्त होत्या. त्या जागांसाठी २७ मार्चला मतदान होणार आहे.

विधान परिषदेतील ५ सदस्य विधानसभेवर निवडून गेले आहेत. त्यामुळे या रिक्त जागांसाठी निवडणूक जाहीर करण्यात आली आहे. शिवसेना आमदार आमशा पाडवी, राष्ट्रवादीचे आमदार राजेश विटेकर, भाजप आमदार प्रवीण दटके, भाजप आमदार गोपीचंद पडळकर आणि भाजप आमदार रमेश कराड या सदस्यांच्या रिक्त जागांसाठी निवडणूक होणार आहे. या सगळ्या आमदारांची निवड विधानसभेवर झाली आहे. केंद्रीय निवडणुक आयोगाकडून वेळापत्रक जाहीर करण्यात आले आहे. त्यानुसार, २७ मार्चला मतदान होणार आहे. शिवसेना शिंदे गट एक, अजित पवार गटाचा एक तर भाजपच्या तीन रिक्त जागांवर निवडणूक होणार आहे. महायुतीच्याच पाच आमदारांच्या जागा रिक्त झाल्या असल्याने आणि महायुतीकडे मोठे बहुमत असल्यामुळे या जागेवर महायुतीचे उमेदवार विजयी होण्याची शक्यता जास्त आहे. महायुतीकडून कोणाला संधी मिळणार हे पाहणे देखील महत्वाचे ठरणार आहे. त्यामुळे निवडणुक बिनविरोध होणार की महाविकास आघाडी आपले उमेदवार उतरवणार हे पाहणे महत्वाचे ठरणार आहे. विधान परिषदेच्या रिक्त जागांसाठी निवडणूक जाहीर झाल्यानुसार १० मार्च ते १७ मार्च अर्ज भरण्याची प्रक्रिया असेल. तसेच अर्जाची छाननी १८ मार्च रोजी होणार आहे. २० मार्चला अर्ज मागे घेण्याचा शेवटचा दिवस असेल तर २७ तारखेला विधान परिषद जागांसाठी मतदान पार पडेल. सध्या विधानपरिषदेत महायुतीकडे बहुमत असून तब्बल २६ जागा रिक्त आहेत.

विधान परिषद संख्याबळ
महायुती
भाजप- १९
शिवसेना -६
राष्ट्रवादी- ७
महाविकास आघाडी
शिवसेना ठाकरे गट – ७
राष्ट्रवादी शरद पवार गट- ३
काँग्रेस -७
अपक्ष – ३
रिक्त जागा – २६