पुणे शहर कोणत्या ना कोणत्या कारणावरून सतत चर्चेत असतं. अशातच आता शहरातील समाधान चौकामध्ये एक धक्कादायक प्रकार घडला आहे. महानगर पालिकेचा एक अख्खा ट्रक खड्डयात गेला आहे. सुदैवाने या घटनेत जीवितहानी झालेली नाही.मात्र या प्रकाराने पुणेकरांनी आश्चर्य व्यक्त केलं आहे.
हा प्रकार शुक्रवारी दुपारी सव्वा चार वाजण्याच्या सुमारास पुणे शहराच्या मध्यवर्ती भागातील सिटी पोस्ट कार्यालयाच्या आवारात घडला आहे. मैलापाणी वाहिनी दुरुस्तीसाठी गेलेला ट्रक अचानक २५ फुट खड्ड्यात गेला आहे. सुदैवाने या घटनेत कोणतीही जीवीतहानी झाली नाही.
शहराच्या बेलबाग चौकाजवळच सिटी पोस्ट कार्यालय आहे. या परिसरात मैलापाणी वाहिन्यांबाबत तक्रारी आल्याने महापालिकेकडून संबंधित वाहिन्या दुरुस्तीचे काम हाती घेण्यात आले होते. शुक्रवारी दुपारी सव्वा चार वाजण्याच्या सुमारास महापालिकेची मैलापाणी वाहिनी दुरुस्तीसाठी ठेकेदाराचा ट्रक व कामगार सिटी पोस्ट कार्यालयात आले.
