सोशल मिडीया स्टार मालतीने उचलले धक्कादायक पाऊल

लखनऊ दि २७(प्रतिनिधी)- सोशल मिडीया हे अनेकांसाठी व्यक्त होण्याचे साधन आहे. पण त्यामुळे अनेकांना या सोशल मिडीयामुळे आलेले प्रसिद्धपण म्हणजेच स्टारडम महागात पडते. यामुळे आत्महत्या सारखे प्रकार घडत असतात. आताही दिल्लीच्या एका सोशल मीडियावर लाखो फॉलोअर्स असणाऱ्या महिलेनं आत्महत्या केल्यानं एकच खळबळ उडाली आहे. यामुळे अनेक वेगवेगळ्या चर्चांना उधान आले आहे.

मालती देवी असं या महिलेचं नाव आहे. तिनं राहत्या घरात आयुष्य संपवलं. गळफात घेत तिनं आत्महत्या केली आहे. मालती देवी हिचे युट्यूबवर तब्बल ६ लाख सब्सक्राइबर आहेत. भोजपुरी भाभी म्हणून ती युट्यूबवर रिल्स बनवत होती. मिळालेल्या माहितीनुसार मालती रात्री जेवन करून तिच्या खोलीत गेली. सकाळी ती बाहेर न आल्यानं तिच्या सासून तिनं हाक मारली, पण कोणताही प्रतिसाद न आल्यानं घरातल्यांनी दरवाजा तोडला तेव्हा खोलीत मालती देवीचा मृतदेह आढळून आला. मालतीने आत्महत्या केल्यानंतर मालती देवीचा नवरा दीप चंद चौहान याच्यावर अनेक गंभीर आरोप करण्यात आले आहेत. मालतीला हुंड्यासाठी त्रास दिला जात असल्याचा आरोप करण्यात आला आहे. तसेच दीपचंदचे एका महिलेशी अनैतिक संबंध होते. याला मालतीने विरोध केला त्यामुळे तिची हत्या केल्याचा आरोप मालतीच्या वडिलांनी केला आहे. दरम्यान मालतीचा एक व्हिडिओ यामुळे चर्चेत आला आहे. त्यात ती सासरी जे घर आहे ते मी बांधले आहे, त्यामुळे त्या घरावर माझा हक्क आहे. त्यामुळे माझ्या हक्काच्या घरात राहण्यापासून मला कोणीही थांबवू शकत नाही. तसेच सासरी गेल्यानंतर माझ्याबाबतीत जर काही वाईट घडले तर मात्र त्याला जबाबदार माझा नवरा म्हणजेच विष्णू चौहान असेल असंही तिने म्हटले होते. तसेच मृत्यूच्या काही तास आधी मालतीने तिच्या युट्यूब चॅनलवर एक व्हिडीओ अपलोड केला होता. या व्हिडीओमध्ये तिने सांगितलं होतं की ती माहेरच्या घरातून सासरी जात आहे. “माझा पती मला मारो किंवा काही करो.. मला माहीत नाही”, असं ती या व्हिडीओत म्हणत आहे. मालती देवीच्या आत्महत्येचं नेमकं कारण अद्याप समोर आलं नसलं तरी, पोलिस तिच्या पतीची चौकशी करत आहे. हत्या की आत्महत्या? याचा तपास सध्या पोलिसांकडून केला जात आहे. मृतदेहाचा पोस्टमॉर्टमचा अहवाल आल्यानंतर तपासाला वेग येणार आहे.

मालती चौहान ही गरीब कुटुंबीतील होती. तिच्या देसी स्टाइल रिल्स आणि व्हिडिओंमुळे ती प्रचंड व्हायरल झाली होती, आणि त्यामुळे ती प्रसिद्धही झाली होती. रोजच्या लाईपस्टाईलविषयी ती व्हिडीओ करत होती. यू ट्यूबवर तिचे दोन चॅनेल आहेत. या घटनेनंतर मालती देवीच्या फॉलोअर्संना धक्का बसला आहे. मालती चौहान फन या तिच्या युट्यूब चॅनलचे ६ लाख ५९ हजार सबस्क्राइबर्स आहेत. तर मिस्टर युवराज फन नावाच्या चॅनलचे ६ लाख ४४ हजार सबस्क्राइबर्स आहेत.