अजित पवारांना आणखी एक मोठा धक्का ! सुप्रिया सुळेंसोबत कारमध्ये तोंड लपवून शरद पवारांच्या भेटीला आली मोठी व्यक्तीं, बघा ही मोठी व्यक्ती कोण?

आगामी विधासभा निवडणुकीच्या पार्शवभूमीवर राज्यात घडामोडींना चांगलाच वेग आला आहे. सर्वच राजकीय पक्षांची जोरदार तयारी सुरु केली आहे. असं असताना राष्ट्रवादी काँग्रेस शरदचंद्र पवार या पक्षामध्ये येणाऱ्या नेत्यांची संख्या देखील वाढत आहे. अशातच आता मंगळवारी मोदी बागेत सकाळी एका मोठ्या व्यक्तींनी शरद पवारांची भेट घेतली असल्याची माहिती समोर आली आहे.

मात्र, ही मोठी व्यक्ती कोण? त्याची चर्चा रंगली आहे. मोदी बागेतून सुप्रिया सुळे यांच्या गाडीत जाताना त्या व्यक्तीने आपला चेहरा फाईलने लपवला होता. याबाबत अनेक तर्क वितर्क सुरु होते. अशातच आता फाईलने तोंड लपवलेला हा नेता माजी मंत्री राजेंद्र शिंगणे असल्याची चर्चा राजकीय वर्तुळात सुरू झाली आहे.राजेंद्र शिंगणे हे शरद पवार गटाच्या वाटेवर असल्याची चर्चा आहे. सोशल मीडियावर हा व्हिडिओ व्हायरल झाल्यानंतर अनेकांनी फाईल लपवणारी ती व्यक्ती राजेंद्र शिंगणे असल्याचा दावा केला आहे. राजेंद्र शिंगणे हे शरद पवारांची साथ सोडून अजित पवार यांच्यासोबत गेले होते. मात्र, राजेंद्र शिंगणे पुन्हा एकदा घरवापसी करत शरद पवारांच्या तुतारी चिन्हावर आगामी विधानसभा निवडणूक लढवण्याची तयारी करत आहेत असं बोललं जात आहे. नुकतीच शिंगणे यांनी आगामी विधानसभा निवडणुकीसाठी इच्छुक उमेदवार म्हणून मुलाखत देखील दिली आहे.