प्रसिद्ध बॉलिवूड अभिनेत्री सेटवरच शूटिंग दरम्यान गंभीर जखमी
पण फोटो शेअर केल्यानं नेटकऱ्यांनी केले ट्रोल, बघा नेमक सेटवर काय घडल?
मुंबई दि १८(प्रतिनिधी)- बाॅलिवूड अभिनेत्री आणि दिग्दर्शिका दिव्या खोसला कुमार हिच्या शुटिंगदरम्यान चेहऱ्याला दुखापत झाली आहे. दिव्या खोसला कुमारने सोशल मीडियावर काही फोटो शेअर केले आहेत ज्यात तिच्या चेहऱ्यावर जखमा दिसत आहेत.
दिव्या खोसला कुमारला तिच्या आगामी प्रोजेक्टच्या शूटिंगदरम्यान दुखापत झाली आहे, ती लोखंडी जाळीवर आदळली, ज्यामुळे तिच्या गालाच्या हाडांना गंभीर दुखापत झाली. असे असूनही दिव्या खोसला कुमारने तिचे काम थांबू दिले नाही आणि तिने पूर्ण समर्पणाने तिचे शूट पूर्ण केले. तिच्या फोटोंद्वारे चाहत्यांना झालेल्या दुखापतीबद्दल माहिती देताना दिव्या खोसला कुमारने पोस्टमध्ये लिहिले की, ‘माझ्या आगामी प्रोजेक्टच्या अॅक्शन सीन दरम्यान मला खूप दुखापत झाली. पण शो मस्ट गो ऑन. तुमचे आशीर्वाद आणि उपचार शक्तीची खूप गरज आहे. दिव्या खोसला कुमारच्या या पोस्टवर चाहत्यांच्या प्रतिक्रिया येत आहेत आणि लोक कमेंट बॉक्समध्ये तिच्या लवकर बरे होण्यासाठी प्रार्थना करत आहेत. बॉलीवूड सेलिब्रिटीही दिव्या खोसला लवकर बरे होण्यासाठी शुभेच्छा देत आहेत. दिव्या खोसला कुमारच्या चेहऱ्यावर झालेली जखम छायाचित्रांमध्ये स्पष्टपणे दिसत आहे. फिल्म इंडस्ट्रीतील मोठ्या प्रोडक्शन हाऊस ‘टी-सीरीज’चे मालक भूषण कुमार यांची पत्नी दिव्या खोसला कुमारही सध्या ‘यारियाँ 2’ या चित्रपटामुळे चर्चेत आहे.
दिव्याने हा फोटो शेअर करताच नेटकाऱ्यानी तिला चांगलेच ट्रोल केले आहे. एकाने लिहले आहे “तू याला दुखापत म्हणतेस का?” तर दुसऱ्याने लिहले आहे, “देव तुझ्या गालांचे रक्षण करो”, तर तिसऱ्याने लिहले आहे “याच्यापेक्षा आम्ही शाळेत जास्त जखमी व्हायचो.” आणखीन एकाने लिहले आहे “तुझ्या अशा परिस्थितीत देव तुझ्या घरच्या लोकांचे रक्षण करो.” तर काहींनी ती लवकर बरी व्हावी यासाठी प्रार्थना केली आहे.
