मराठमोळ्या पाठकबाईने वाढवला सोशल मिडीयाचा पारा
राणादा आणि पाठकबाईच्या लग्नाआधीचा हा व्हिडिओही समोर
मुंबई दि १(प्रतिनिधी) – मराठी मालिका विश्वातील लोकप्रिय ‘तुझ्यात जीव रंगला’ या मालिकेतून घराघरात पोहोचलेली अभिनेत्री म्हणजे पाठकबाई अर्थात अक्षया देवधर हे अक्षया लवकरच राणादाबरोबर विवाहबंधनात अडकणार आहे. पण सध्या सोशल मिडीयावर सोज्वळ पाठक बाईचा एक व्हिडिओ चांगलाच चर्चेत आला आहे. त्यामुळे सोशल मिडीयाचा पारा वाढला आहे.
अक्षयाचे हार्दिक जोशी बरोबर लग्न फिक्स झाल्यानंतर तीने बॅचलर पार्टी साजरी केली आहे. त्यावेळचा तीचा एक हटके लुक समोर आला.तिची ही बॅचलर पार्टी अगदीच हटके होती. या बॅचलर पार्टीसाठी दाक्षिणात्य थीम ठेवली होती. मराठमोळ्या अक्षयाने या वेळी बॅचलर पार्टीच्या वेळचा एक व्हिडीओ पोस्ट केला आहे. यात तिने मैत्रिणींसह ‘रा रा रेड्डी’ या गाजत असलेल्या गाण्यावर लुंगी डान्स केला आहे. तर सध्या दोघेही वेगवेगळ्या ठिकाणी होणाऱ्या केळवण जेवणाचा आस्वाद घेताना दिसत आहेत.पण अक्षयाची बॅचलर पार्टी झाल्यामुळे दोघे लवकरच लग्नाच्या बेडीत अडकणार असल्याची चर्चा जोर धरु लागली आहे.
मराठीतील लोकप्रिय जोडप्यांमध्ये अक्षय-हार्दिकचं नाव टॉपला आहे. या दोघांची ऑनस्क्रिन केमिस्ट्री बरोबर ऑफस्क्रिन केमिस्ट्री देखील परफेक्ट आहे. लवकरच लग्नाच्या बेडीत अडकणा-या दापोली समुद्रकिनाऱ्यावर फेरफटका मारतानाचा व्हिडीओ चांगलाच व्हायरल झाला होता. आता त्यांच्या चाहत्यांना त्यांच्या लग्नाची प्रतिक्षा आहे.
