![Ganesh J GIF](https://maharashtrakhabar.com/wp-content/uploads/2022/08/gif-advt.gif)
लग्नात आनंदाने नाचत असताना नवरा नवरीसोबत घडले असे काही
लग्नातील त्या घटनेचा व्हिडिओ सोशल मिडीयावर व्हायरल, एकदा बघाच
मुंबई दि ३(प्रतिनिधी)- अलीकडे लग्न म्हटले की मजा, मस्ती, डान्स, धम्माल या गोष्टी येतातच. पण कधीकधी लग्नात अशा काही गोष्टी घडतात की सगळे वातावरणच बदलून जाते. सध्या असाच एक व्हिडीओ जोरदार व्हायरल होत आहे. लग्नात डान्स करत असताना नवरा-नवरीच्या अंगावर चक्क डीजेचा स्पीकर पडला. या प्रकारामुळे मांडवात एकच गोंधळ उडाला होता. त्यामुळे सारे वातावरणच बदलून गेले होते.
सध्या सोशल मिडीयावर व्हायरल होत असलेल्या व्हिडीओत दिसत आहे की, एका लग्नात नवरदेव नवरीसोबत डान्स करत आहे.त्यावेळी मांडवात डीजे लावण्यात आला होता. त्यावर पाहुणे मंडळी देखील डान्स करण्यात मग्न होते. पण तेवढ्यात डान्स करता करता अचानक डीजेचा स्पीकर नवरा-नवरीच्या अंगावर पडला. त्यामुळे नाचता नाचता नवरा-नवरी थोडेसे मागे सरकतात. तेवढ्यात स्पीकर दोघांच्या अंगावर पडतो. अचानक अंगावर पडलेल्या डीजेमुळे कपल खाली कोसळते. पण पाहुणे मंडळी धावत येऊन त्यांच्या अंगावरून स्पीकर बाजूला करतात. सुदैवानं या अपघातात कोणालाही दुखापत झाली नाही. हा व्हिडिओ gyanendra_703 नावाच्या युझरने इन्स्टाग्रामवर शेअर केला आहे. सध्या हा व्हिडिओ कमालीचा व्हायरल होत आहे.
लग्न हा अनेकांच्या आनंदाचा क्षण असतो. त्यामुळे प्रत्येकजण तो क्षण मनापासून एन्जाॅय करत असतो. पण अचानक अशा घटना घडतात की आनंदाचे वातावरण दुखात बदलून जाते. सध्या व्हायरल होत असलेल्या लग्नसोहळ्याचा हा व्हिडिओ खरंच धक्कादायक आहे. मात्र, अनेकांना तो गंमतीशीरही वाटत आहे. लोक हसण्याच्या इमोजीने त्यावर प्रतिक्रिया देत आहेत.