राजकारण हादरलं! पद देण्याच्या बहाण्याने भाजप जिल्हाध्यक्षाची ‘विचित्र’ मागणी; पिडितेच्या खुलाशामुळे पक्षात मोठी धावपळ

“जिल्हा उपाध्यक्षपद देण्याच्या बदल्यात जिल्हाध्यक्षांनी त्यांच्यावर शारीरिक संबंध ठेवण्यासाठी अनैतिक दबाव टाकला”, असा सनसनाटी दावा दिपाली तिवारी यांनी केलाय. या धक्कादायक आरोपांमुळे जिल्ह्यातील राजकीय वातावरण प्रचंड तापले आहे. दुसरीकडे, जिल्हा अध्यक्ष मोहनलाल कुशवाहा यांनी हे सर्व आरोप फेटाळून लावले असून, ही आपली प्रतिमा मलीन करण्याचा प्रयत्न सुरु असल्याचं म्हटलंय. याप्रकरणी दीपाली तिवारी यांनी जिल्हाध्यक्षांविरुद्ध पोलिसांत लेखी तक्रार दिली आहे.महोबा भाजमधील हा अंतर्गत वाद आता रस्त्यावर आणि सोशल मीडियावर उघडपणे समोर आला आहे. नवीन जिल्हा कार्यकारिणीच्या स्थापनेपासूनच पक्षांतर्गत असंतोषाची ठिणगी पडली. मात्र माजी जिल्हा मंत्री दीपाली तिवारी यांच्या फेसबुक लाईव्हने याला एका मोठ्या राजकीय वादळात बदलले आहे. दीपाली तिवारी यांनी थेट जिल्हा अध्यक्ष मोहनलाल कुशवाहा यांच्यावर पद देण्याच्या बदल्यात शारीरिक संबंध ठेवण्यासाठी दबाव आणल्याचा आरोप लावला आहे. त्यांच्या या फेसबुक लाईव्हने पक्षाची मोठी नाचक्की झाली असून, कार्यकर्त्यांमध्येही गोंधळाचे वातावरण आहे.

दीपाली तिवारी यांच्या आरोपांनुसार, जेव्हा त्यांनी जिल्हा उपाध्यक्ष पदासाठी जिल्हाध्यक्षांशी चर्चा केली, तेव्हा त्यांनी त्यांच्यासमोर एक अशी अट ठेवली. जिल्हाध्यक्षांनी त्यांना दिल्ली आणि लखनौला सोबत चालण्याचा प्रस्ताव दिला आणि त्यांची बोलणे न ऐकल्यास पदावरून हटवण्याची किंवा पक्षातून काढून टाकण्याची धमकी दिली. दीपाली यांनी पुढे असाही आरोप केला की, पक्षाचे इतर दोन मोठे पदाधिकारी, जिल्हा सरचिटणीस आणि जिल्हा उपाध्यक्ष देखील त्यांच्यावर जिल्हाध्यक्षांचे बोलणे ऐकण्यासाठी दबाव टाकत होते. दीपाली यांनी फेसबुक लाईव्हमध्ये भावूक होत सांगितले की, त्या अनेक वर्षांपासून पक्षासाठी काम करत होत्या, परंतु जेव्हा त्यांच्या पतीला बलात्काराच्या खोट्या गुन्ह्यात जेलमध्ये पाठवण्याची धमकी देण्यात आली, तेव्हा त्यांचा संयम सुटला आणि त्यांना फेसबुक लाईव्हच्या माध्यमातून आपली व्यथा जनतेसमोर मांडावी लागली. यानंतर त्यांनी पोलीस अधीक्षक कार्यालयात जाऊन या संपूर्ण प्रकरणाशी संबंधित प्रार्थना पत्र पोलीस अधीक्षकांना सुपूर्द केले आहे.

दुसरीकडे, या गंभीर आरोपांनंतर भाजप जिल्हा अध्यक्ष मोहनलाल कुशवाहा बचाव करण्याच्या भूमिकेत आहेत. त्यांनी सर्व आरोप पूर्णपणे निराधार आणि बनावट असल्याचे सांगून फेटाळून लावले आहेत. मोहनलाल कुशवाहा यांचे म्हणणे आहे की, सोशल मीडियावर लावले जात असलेल्या या आरोपांमध्ये थोडीशीही सत्यता नाही आणि हा केवळ त्यांची प्रतिमा खराब करण्याचा प्रयत्न आहे. त्यांनी या आरोपांचा तीव्र निषेध करत त्यांचे खंडन केले आहे.