भाजप नेत्याची घराबाहेर गोळ्या झाडून हत्या

लखनऊ दि ११(प्रतिनिधी)- नागपूरमधील भाजपा महिला नेत्याची हत्या झाल्याची घटना ताजी असतानाच आता उत्तर प्रदेशात भाजप नेत्याची निर्घृण हत्या करण्यात आली आहे. मुरादाबादमध्ये भाजपा नेते अनुज चौधरी यांचा अज्ञात मारेकऱ्यांनी गोळ्या घालून खून केला आहे. अनुज चौधरी हे भाजप किसान मोर्चाशी संबंधित होते. या घटनेनंतर परिसरात खळबळ उडाली आहे.

भाजपा नेते अनुज चौधरी हे पाकबाडा येथील अपार्टमेंटमध्ये राहत होते. ते गुरुवारी आपल्या घराजवळील उद्यानात फिरायला गेले होते. यावेळी अज्ञात मारेकऱ्यांनी त्यांच्यावर गोळीबार केला. भाजपचे दिग्गज नेते आणि मंत्र्यांचे निकटवर्तीय म्हणून त्यांची ओळख होती. अनुज चौधरींनी विद्यमान ब्लॉक प्रमुखांविरोधात अविश्वास प्रस्ताव आणण्याची घोषणा केली होती. त्यानंतर राजकीय वातावरण तापले होते. त्या कारणामुळे चौधरी यांनी आपल्या जीवाला धोका असल्याचेही सांगितले होते. त्यानंतर त्यांना सुरक्षाही पुरवण्यात आली होती. अचानक झालेल्या गोळीबारामुळे बेसावध असलेल्या अनुज चौधरी यांच्या वर्मी गोळी लागल्याने ते जागीच कोसळले. मारेकऱ्यांनी गोळीबार करुन घटनास्थळावरुन पोबारा केला. घटनेची माहिती मिळताच पोलिसांनी घटनास्थळी धाव घेत पंचनामा केला आहे. हत्येचा थरार सीसीटीव्हीत कैद झाला आहे. पोलिसांनी आता सीसीटीव्ही आधारे मारेकऱ्यांचा शोध सुरु केला आहे.

Warning: Disturbing video

In UP's Moradabad, a purported CCTV footage of 3 bike borne assailants shooting from point-blank range at local BJP leader Anuj Chaudhary out on walk has surfaced. Chaudhary succumbed to his injuries. pic.twitter.com/hi5jhOMcBW

— Piyush Rai (@Benarasiyaa) August 10, 2023

चौधरी यांच्या कुटुंबीयांच्या तक्रारीच्या आधारे गुन्हा दाखल करण्यात आला आहे. अमित चौधरी आणि अनिकेत या दोन संशयितांविरुद्ध गुन्हा दाखल करण्यात आला आहे. तसेच या घटनेच्या तपासासाठी पाच पथके स्थापन करण्यात आली आहेत.